និទាឃៈរដូវ

០១.រដូវត្រជាក់..គឺសិសិរៈ..ហើយធ្លាក់ដល់នូវ
រដូវអ្វីអ្នក..និទាឃៈដឹងទៅ..ចាប់មានកំដៅ
...........ទៅលើពសុធា។
០២.Printempsដល់ហើយ..មានរស្មីហើយ..ធូរស្បើយគ្រប់គ្នា
ធម្មជាតិរូតរះ..យកឈ្នះរងា..ហើយចេញចេស្ដា
.............គ្រប់ណ៎ាទិសទី។
០៣.និទាឃៈរដូវ..រស្មីកំដៅ..ទៅលើប្រឹថពី
ធ្វើឲ្យធញ្ញជាតិ..ឆ្លៀតលូតសែនទ្វី..និងអដវី
.................លូតមីរដែរណ៎ា។
០៤.រដូវនិទាឃៈ..ក្នុងខែអីអ្នក..ចាំជាក់ខេមរា
ចាប់ពីទីម្ភៃ..នៃខែមីនា..ដល់ខែឧសភា
............ទីណ៎ាម្ភៃមួយ។
០៥.រុក្ខជាតិរីកស្រស់..ប្រជាទាំងអស់..ស្រស់បោះអស់ព្រួយ
ភក្ត្រក៏រីករាយ..សប្បាយណាស់មួយៗ..បានរស្មីជួយ
.............លើកស្ទួយជីវិត។
០៦.រុក្ខជាតិផ្កាផ្លែ..ពេញចំការស្រែ..មីរដេរដាស់ពិត
សត្វស្លាបតូចធំ..ហ្វូងឃ្មុំសត្វល្អិត..ហិចហើរជុំជិត
.................បឺតលិឍជីវជាតិ។

Printemps អានថា " ប្រាំងតង់ស៍ " ជាភាសាបារាំងប្រែថា និទាឃៈ
សែនទ្វី ប្រែថា​ទ្វេឡើង
អដវី អានថា អៈដៈវី ប្រែថា ព្រៃធំ